Log in

updated 10:32 PM UTC, Mar 15, 2020
Headlines:
A+ A A-

දේශීය

'රට හදන විරුවා' රාජපක්ෂ ප්‍රෝඩාවක්! 2015ට පෙර පැවති ආණ්ඩුවම නැවතත්!!

Mahinda Gotabaya

ලංකාවේ සෑම දිස්ත්‍රික්කයක් සඳහාම විවිධ පක්ෂවලින් නාමයෝජනා පත්‍ර සකස්කරමින් පවතින අතරේ අසන්නට දකින්නට ලැබෙන තොරතුරු කියාපාන්නේ අපේ රටේ අනාගතය එතරම් සුබ නැති වගය. ඒ් නිසාම ‌අනාගතය නැවත සාපරාධී විගඩමක් ‌වීමේ හැකියාව ඉදිරි මහමැතිවරණ ප්‍රතිඵලය හරහා රටට උරුම කිරීමට නියමිත ය. 

ගෝඨාභය රාජපක්ෂ මහතා ජනාධිපති කරන්නට යැයි කියා එදා විවිධ සටන් පාඨ සමාජගත කරද්දී අප ඊට එරෙහිව 'මේ කරන්නේ බොරුවක් යැයි' කී විට බොහෝ රාජපක්ෂවාදීහු අපට සුද්ද සිංහලෙන් ඇමතූ වග මතකය.

නමුත් ‌නොවැම්බර් 16 එකාවන්ව එක්සිත්ව ගෝඨාභය රාජපක්ෂ මහතා ජනාධිපති කරලූ‌යේ අනාගත සුබ සිහින දුටු 69 ලක්ෂයක් ජනතාව නැවුම් බලාපොරොත්තු පෙරදැරි කරගෙන වුවද අද ඒ ජනතාව රෑ වැටුණු වලේම දහවලේ ද වැටී ඇත්තේය.

එදා රාජපක්ෂවරුන්ගේ පන්සල් බොරුවලට වහවැටුණු මිනිසුන් අදටත් ඔවුන් විශ්වාස කරනවා යැයි රාජපක්ෂවරු දන්නා නිසාම නාමයෝජනා පත්‍ර සකස් කරන්නේ ද තමන් කියන දෙයකට එහෙයි කියන්නන් පිරිසගෙන් වග සටහන් කළ යුතුමය. මන්ද වියත්මග නම් වූ උගත් බුද්ධිමතුන්ගෙන් සැදුම් ලත් පාර්ලිමේන්තුවක් විශ්වාස කරගෙන සිටි 69 ලක්ෂයක් ජනතාවට ඉදිරි මැතිවරණයේ දී නැවතත් සිය ඡන්දය ලබාදිය යුත්තේ පරණ නම්දරාපු හොර මැර, දූෂිත මහත්වරුන්ට බව රාජපක්ෂවරු අද තීරණය කර ඇති නිසාය.

වියතුන් පිරි ඇමති මණ්ඩලයක්, උගත් බුද්ධිමත් පිරිසකගෙන් සැදුම්ලත් පාර්ලිමේන්තුවක් යනු එදා රාජපක්ෂවරු බලය වෙනුවෙන් ජනතාව මුලාවේ දැමීමට කළ තවත් එක් ප්‍රෝඩාවක් බව දැන් ඔවුන්ම තහවුරු කර හමාරය.

225ම එපා කිව්වේද, වියතුන් 100ක් පත්කළ යුතු බව කීවේද රාජපක්ෂවාදී මාධ්‍ය විසින්මය. ජනාධිපතිවරණය ජයගත් පසු ඒ කතා දැන් හරියන්නේ නැති වග කීවේද ඔවුන්මය. අවසානයේ පරණ නඩයම අලුත් වටයකින් නැවත කැඳවාගෙන ඒමට කටයුතු කර ඇත.

 

2015 පෙර රාජපක්ෂ ආණ්ඩුව

ලොකෙන් කොන්කරපු රටක් ලෙස කිසිදු පිළිගැනීමක් නැති තැනකට ලංකාව පත්කරපු, GSP සහනය රටට අහිමි කරපු, යුරෝපීය මත්ස්‍ය තහනම කැඳවා ගත්තු, රටට එරෙහි ජාත්‍යන්තර පරීක්ෂණ ගෙන්වා ගත්තු රාජපක්ෂලාගේ විදේශ ප්‍රතිපත්තිය ඔබට මතකද?

බංකොලොත් ආර්ථිකයක් රටට ඉතිරි කරපු, උපදින්න බලාගෙන ඉන්න පරම්පරාවත් ලෝකෙට ණයකාරයන් කරපු, සංදර්ශන සංවර්ධන විජ්ජාවෙන් රටම මංමුලා කරපු රාජපක්ෂ ආර්ථික ප්‍රතිපත්තිය ඔබට මතකද?

ඉන්ධන මිල අඩුකරන්න යැයි කියපු හලාවත ඇන්ටනීලා මරපු, වතුරු ඉල්ලා හඬද්දි රතුපස්වල මිනිසුන් මරපු, EPF එක අවභාවිත කරන්න එපා කියපු රොෂේන් චානකලාට වෙඩි තියපු, රාජපක්ෂලාගේ දූෂණ ක්‍රියා පිළිබඳ හෙළිකළ ලසන්තලා වැනි මාධ්‍යවේදීන් මරපු, කප්පම් ගැනීමට අහිසංක මිනිසුන් අතුරුදන් කරපු එදා රාජපක්ෂලාගේ රාජ්‍ය පාලනය ඔබට මතකද?

තැන තැන මාධ්‍යකරුවන් අතුරුදන් කරපු, රාජ්‍ය නිලධාරීන් ගස් බැඳපු, ලිස්ට් එක බලාගෙන වැලිකඩ සිරකරුවන් මරලා දාපු, රගර් ක්‍රීඩක තාජුඩීන්ලා මරපු, නඩු නැතුව මිනිසුන් සිරකරුවන් කරපු, ප්‍රජාතන්ත්‍රවාදය වෙනුවෙන් හඬනගපු ලලිත් කූගන්ලා අතුරුදන් කරපු, බලහත්කාරී දින 52දි ප්‍රජාතන්තවාදයට මිරිස්කුඩු ගහපු ඒ් රාජපක්ෂ පාලනයේ මානව හිමිකම් සුරක්ෂිත කළ අපූරුව ඔබට මතකද?

දේශප්‍රේමීත්වයේ සලුව පොරවාගත් එදා රාජපක්ෂවරු රටට ශේෂ කළ නටඹුන් අතර ඩේසි ආච්චිගේ මැණික් මල්ල, සිරිලිය ගිනුම, කාල්ටන් සොහොන, නාමල්ගේ උපාධිය, අයිතිකරුවන් නැති දේපළ, හඳට යැවූ රොකට්ටුව පමණක් නොව රට පුරා උසාවිවල රාජපක්ෂවරුන්ට සහ එහෙයින්ට එරෙහිව ගොඩගැසුණු නඩු කන්ද ඔබට මතකද? මිග්, ක්‍රිස්, හෙජින්, ග්‍රීක් බොන්ඩ්, ගවර්ස් කෝපරේට්, මිහින්, ඇවන්ගාඩ්, මාගම්පුර පොර්ට් පමණක් නොව මගනැගුම පවා ඒ වංචා දූෂණ අතරින් ටිකක් පමණය.

දෙකෙන් දෙක බෙදාගන්න බැරි ඉංජිනේරු ඇමතිවරු හිටපු, බේබිලා දැක්කම පුටුවෙන් නැගිට්ටෙන කැබිනට් ඇමතිවරු හිටපු, අල්ලස ජීවිකාව කරගත් මහ ඇමතිවරු හිටපු, ස්ත්‍රී දූෂණයේ ශතකපූරණය උත්සවශ්‍රීයෙන් සව්දිය පුරපු ප්‍රදේශීය නායකයෝ හිටපු, අවසානයේ සෙල්ලම් පිස්තෝල විගඩම් නටපු එවැනි පාලනයක් තුළ මීට වඩා දෙයක් බලාපොරොත්තු වීම මරි මෝඩකමකි.

 

අදට වඩා හෙට හොඳ වෙයිද?

අද බඩු මිල බලන්න කඩවල්ගානේ යන ජනාධිපති කෙනෙක් ඉන්න, තමන්ගේ බැරකමට අනෙකාට පලිගහන අගමැති කෙනෙක් ඉන්න, පන්සල්ගානේ යන මුදල් ඇමති කෙනෙක් ඉන්න, සෞඛ්‍ය කියන්නේ මොකක්ද කියලවත් නොදන්න සෞඛ්‍ය ඇමතිලා ඉන්න, ජීවන වියදම අහස උසට යද්දි ආර්ථික පර්යේෂණ ඒ්කක බෝඩ් ලෑල්ලට මුවාවෙලා නංදොඩවන වයිමගේ පුත්තු ඉන්න ආණ්ඩුවකින් මීට වඩා මොනවා කරන්නද?

ඉදිරි මහ මැතිවරණයෙන් පත්වෙන්නෙත් මේ අයම නම් ඉතින් රටට අබසරණයි කියන්න තමයි වෙන්නෙ. වැටට අල්ලලා අඹුඩේ ගහපු ගමරාළට වගේ රට රකින විරුවාට කිසිවක් කරන්න වෙන්නෙ නැත. මහින්දගේ දෑත් ශක්තිමත් වන හැටි බලාඉන්නවා හැර.

- ධනුජ හිරුෂාන් 

What do you think?

Send us feedback!

එජාපය නායකයන්ට ලැජ්ජාවක් නැති වුණත් ඒක පාක්ෂිකයන්ට තිබිය යුතුයි.

රංජන් රාමනායක සමග එකට කරට අත දාගෙන සිටි එක්සත් ජාතික පක්ෂයේ සහ පාර්ලිමේන්තු නියෝජනය සියළුම මන්ත්‍රී වරු හඬ පට එළියට ඒමත් සමග රංජන් රාමනායකව තනි කර පහර දීමට කටයුතු කලේය.

What do you think?

Send us feedback!

උතුරේ ක්ෂුද්‍ර මූල්‍ය මිනිස් ජීවිතයක් බිලිගනී!

Jaffna

ණය පොලී මුදල් ගෙවා ගත නොහැකි වීම හේතුවෙන් යාපනය චාවකච්චෙරි පොලිස් වසමට අයත් මට්ටුවිල් චන්ද්‍රපුරම් ප්‍රදේශයේ පවුලක් පසුගිය 20වනදා වසපානය කොට සියදිවි හානිකරගැනීමට උත්සාහ කර ඇත.

What do you think?

Send us feedback!

කාන්තා දිනය අදයි : කාන්තාවට සහ ගැහැණු දරුවන්ට වෙනස් කොට සැළකීම ජනපති පිටුදකියි

women day

ජාත්‍යන්තර කාන්තා දිනය අදට (8) යෙදී ඇත.  ඒ සම්බන්ධයෙන් නිවේදනයක් නිකුත් කරන ජනාධිපති ගෝඨාභය රාජපක්ෂ, පෙන්වා දෙන්නේ මානව සන්හතියෙන් අඩක් නිර්මාණය කරන සෑම රටකම සමාජ සංස්ථාවෙහි පැවැත්ම සහ ප්‍රගමනය නිශ්චය කරන අතිශය වැදගත් සාධකයක් වන කාන්තා දායකත්වය ගෞරවනීය ලෙස සිහිපත් කරන ලෙසයි. 

ශ්‍රි ලාංකේය කාන්තා ප්‍රජාවේ සමාජ සංවර්ධන දර්ශක ලොව සංවර්ධිත රාජ්‍යයන්ගේ මට්ටමට ළඟා වී තිබිමෙන් ශ්‍රී ලාංකික කාන්තාවට ලබාදී ඇති වටිනාකම පෙන්නුම් කරන බව ජනාධිපතිවරයා සඳහන් කර ඇත.

කාන්තාවට සහ ගැහැණු දරුවට එරෙහි සියලු ආකාරයේ ප්‍රචණ්ඩත්වය සහ වෙනස් කොට සැලකීම සම්පූර්ණයෙන් පිටුදැක ආදායම් උත්පාදනයට සමසේ දායකවිය හැකි වටපිටාවක් නිර්මාණය කිරිමට රජය කැපවී සිටින බව ද ජනාධිපතිවරයා පවසයි. 

 

කාන්තා දිනය : ඉතිහාසය, වැඩවර්ජන සහ සැමරුම්

ජාත්‍යන්තර කාන්තා දිනය සම්බන්ධයෙන් මාධ්‍යවල පළ වූ තොරතුරු ඔබ දකින්නට ඇත. මිතුරන් ඒ පිළිබඳව කතා කරනු අසන්නට ඇත. ඒත් එය කුමක් සඳහා ද? කවදාට යෙදී තිබේ ද? එය සැමරීමක් ද? එසේ නැතහොත් විරෝධය පළ කිරීමක් ද? එමෙන්ම, ඊට සමානව ජාත්‍යන්තර පිරිමි දිනයක් තිබේ ද?

සියවසකට අධික කාලයක් පුරා ලොව පුරා වෙසෙන ජනතාව කාන්තාවන්ට සුවිශේෂී වූ දිනයක් ලෙස මාර්තු 08 වන දා සමරති.

1. එය ආරම්භ වූයේ කවදා ද?

එක්සත් ජාතීන්ගේ පිළිගත් වාර්ෂික උත්සවයක් ලෙස ජාත්‍යන්තර කාන්තා දිනය දක්වා එය වර්ධනය වූයේ, කම්කරු ව්‍යාපාරය හරහාය.

එහි මූලාරම්භය ඇති වූයේ, 1908 වර්ෂයේදීය. ඒ, කාන්තාවන් 15,000ක් තමන් වැඩ කරන පැය ගණන කෙටි කරන ලෙසටත්, වඩා හොඳ වැටුප් දෙන ලෙසටත්, ඡන්ද අයිතිය දෙන ලෙසටත් ඉල්ලමින් නිව්යෝර්ක් නගරයේ පැවැත්වූ පාගමනක් හේතුවෙනි. ඉන් වසරකට පසු පළමු ජාතික කාන්තා දිනය ප්‍රකාශයට පත් කරන ලද්දේ ඇමෙරිකානු සමාජවාදී පක්ෂය විසිනි.

Screen Shot 2020 03 08 at 8.08.42 AMමෙම දිනය ජාත්‍යන්තර දිනයක් බවට පත් කළ යුතු යැයි අදහස් පළ කළේ ක්ලාරා සෙට්කින් නමැති කාන්තාවකි. ඇය මෙම අදහස යෝජනා කළේ, 1910දී කෝපන්හේගන්හි පැවති වැඩ කරන කාන්තාවන්ගේ ජාත්‍යන්තර සම්මේලනයේදීය. එම සමුළුවට රටවල් 17ක කාන්තාවන් 100 දෙනෙකු සහභාගි වූ අතර ඇයගේ යෝජනාව ඒකමතිකව ස්ථිර විය.

එය පළමු වරට 1911 වසරේදී ඔස්ට්‍රියාව, ඩෙන්මාර්ක්, ජර්මනිය සහ ස්විට්සර්ලන්තය යන රටවල සැමරිණි. ජාත්‍යන්තර කාන්තා දිනයේ ශතක සැමරුම 2011 වසරේදී සැමරිණි. ඒ අනුව මේ වසරේදී සැමරෙන්නේ, 109 වන ජාත්‍යන්තර කාන්තා දිනයයි.

1975 වසරේදී එක්සත් ජාතීන්ගේ සංගමය විසින් එය සමරනු ලැබීමත් සමග ඊට නිල පිළිගැනීමක් ලැබිණි. එම දිනය වෙනුවෙන් එක්සත් ජාතීන්ගේ සංගමය යෙදූ පළමු තේමා පාඨය වූයේ, "අතීතය සමරමින්, අනාගතය සැලසුම් කරමින් සිටිමු," යන්නය.

 මෙවර එහි තේමාව වී ඇත්තේ, "සමාන ලොවක් යනු සක්‍රීය ලොවකි," යන්නය. එමගින් ඉල්ලා සිටින්නේ, ස්ත්‍රී පුරුෂ භේදයක් නැති සමාන ලෝකයක් වෙනුවෙන් ක්‍රියා කරන ලෙසය.

ජාත්‍යන්තර කාන්තා දිනය සමාජය, දේශපාලනය හා ආර්ථික විද්‍යාව යන ක්ෂේත්‍රයන්හි කාන්තාවන් කොතරම් දුරට පැමිණ ඇත්දැයි සැමරීමේ දිනයක් බවට පත්ව ඇති අතර, දේශපාලන මූලයන් විසින් අඛණ්ඩ අසමානතා පිළිබඳව දැනුවත් කිරීම සඳහා වැඩ වර්ජන හා විරෝධතා සංවිධානය කරනු ලබයි.

2. කවදා ද?

එය පැවැත්වෙන්නේ මාර්තු 08 වන දාය. ජාත්‍යන්තර කාන්තා දිනයක් සම්බන්ධයෙන් ක්ලාරා කළ යෝජනාවේ නිශ්චිත දිනයක් සඳහන් නොවිණි. 1917 දී රුසියානු කාන්තාවන් "පාන් සහ සාමය" ඉල්ලා සිටි යුද්ධ කාලීන වැඩ වර්ජනයක් තෙක් එය විධිමත් නොකෙරිණ. 

කාන්තා වැඩ වර්ජනයට දින හතරක් ගත වන විට සාර්ට ඉවත් වීමට බල කෙරුණු අතර තාවකාලික රජය කාන්තාවන්ට ඡන්දය ප්‍රකාශ කිරීමේ අයිතිය ලබා දුන්නේය. 

එම වැඩවර්ජනය පැවති දිනය එකල රුසියාවේ භාවිත වූ ජූලියන් දින දර්ශනයට අනුව පෙබරවාරි 23 වන දා විය. ග්‍රෙගරියන් දින දර්ශනයට අනුව එම දිනය මාර්තු 08 ලෙස සටහන් වේ.

3. ජාත්‍යන්තර පිරිමි දිනයක් තිබේ ද?

එවැනි දිනයක් තිබේ. ඒ නොවැම්බර් 19 වන දාය. එය 1990දී නම් කෙරුණු අතර එක්සත් ජාතීන්ගේ සංවිධානය එය පිළිගත්තේ නැත. එහෙත්, එක්සත් රාජධානිය ඇතුළු රටවල් 60ක ජනතාව එය සමරති. එම දිනයේදී අවධානය යොමු කෙරෙනුයේ, "පිරිමි පුද්ගලයින්ගේ සහ පිරිමි ළමුන්ගේ සෞඛ්‍යය කෙරෙහි අවධානය යොමු කිරීම, ලිංගික සබඳතා වර්ධනය කිරීම, ලිංගික සමානාත්මතාව ප්‍රවර්ධනය කිරීම සහ සාධනීය පුරුෂ ප්‍රතිරූපයන් විශේෂ කොට දැක්වීම," කෙරෙහිය. 2019 වසරේදී එහි තේමාව වූයේ, "පුරුෂයින් සහ පිරිමි ළමුන් වෙනුවෙන් වෙනසක් කිරීම,"ය.

4. කාන්තා දිනය ලොව පුරා සමරන්නේ කෙසේ ද?

රුසියාව ඇතුළු රටවල් රැසක ජාත්‍යන්තර කාන්තා දිනය ජාතික නිවාඩු දිනයක් ලෙස නම් කර තිබේ. මාර්තු 08 දිනය ආසන්න වෙද්දී එම රටවල මල් අලෙවිය දෙගුණයකින් පමණ ඉහළ යයි.

චීනයේ මාර්තු 08 වන දා බොහෝ කාන්තාවන්ට දින භාගයක නිවාඩු හිමිවෙයි. එරට රාජ්‍ය කවුන්සිලය එලෙස උපදෙස් දී තිබුණ ද, බොහෝ හාම්පුතුන් එම නිවාඩුව ලබා නොදේ.


Screen Shot 2020 03 08 at 8.08.46 AMඉතාලියේ ජාත්‍යන්තර කාන්තා දිනය සමරන්නේ, මිමෝසා මල් ප්‍රදානය කිරීමෙනි. මෙම සම්ප්‍රදායේ ආරම්භය කෙසේ සිදුවී ද යන්න පැහැදිලි නැත. එහෙත්, එය දෙවන ලෝක සංග්‍රාමයෙන් පසු රෝමයෙන් ඇරඹුණු බව විශ්වාස කෙරේ.

ඇමෙරිකාවේ මාර්තු මාසය සැලකෙන්නේ, කාන්තාවන්ගේ ඉතිහාස මාසය ලෙසය. ඇමෙරිකාවේ කාන්තාවන් ලැබූ ජයග්‍රහණ සම්බන්ධයෙන් ගෞරව දැක්වීම සඳහා ජනාධිපතිවරයා වාර්ෂික නිවේදනයක් නිකුත් කරයි.
5. මේ වසරේ සිදුවන්නේ කුමක් ද?

මේ වසරේ ජාත්‍යන්තර කාන්තා දින ව්‍යාපෘතියේ තේමාව ලෙස තෝරාගෙන ඇත්තේ, #EachForEqual යන්නය. එය සාමූහික පුද්ගලිකත්වය යන අදහසින් සකස් කර ගැනුණකි.

"අපි සියලු දෙනා සමස්තයේ කොටස්, අපේ පෞද්ගලික ක්‍රියා, සංවාද, හැසිරීම් සහ සිතිවිලි සමස්ත සමාජයට ම බලපානවා," ව්‍යාපෘතියේ සාමාජිකයින්ගේ අදහසයි.

"සාමූහිකව අපට වෙනසක් කරන්න පුළුවන්. සාමූහිකව අපිට ලිංගික සමානාත්මතාවයෙන් යුත් ලෝකයක් නිර්මාණය කරන්න පුළුවන්."


සියයක් කාන්තාවෝ යනු කුමක් ද?

bbc
බීබීසී සියයක් කාන්තාවෝ(BBC 100 Women) ව්‍යාපෘතිය මගින් සෑම වසරක ම ලොව පුරා බලපෑම් කළ හැකි කාන්තාවන් 100 දෙනෙකු නම් කෙරේ. ඔවුන් පිළිබඳව ලිපි, විශේෂාංග සහ සම්මුඛ සාකච්ඡා තුළින් කාන්තාවන්ට අවකාශයක් සැලසීම සිදුකෙරේ.

බීබීසී සියයක් කාන්තාවෝ වැඩසටහන සමග ඉන්ස්ටග්‍රෑම් සහ ෆේස්බුක් ඔස්සේ සම්බන්ධ වන්න.

(උපුටා ගැනීම් : බීබීසී සිංහල සේවය)

What do you think?

Send us feedback!

නීතිය තිබ්බාට වැඩක් නැත. යුක්තිය ඉටු විය යුතුයි.

එයාර් බස් ගණුදෙනුවේ ජනතා මුදල් කෝටි ගනන් රාජපක්ෂවරුන්ගේ බැංකු ගිණුම් වලට බැර කළ බව දැන් අනාවරණය වී තිබේ. එහෙත් මේ වනතෙක් ඔවුන් කිසිවකු අත්අඩංගුවට ගත යුතු බවට නීතිපති උපදෙස් ලබා දී නැත.නීතිපති උපදෙස් ලබා දෙන්නේ වංචා දූෂණ හෙළිදරව් කළ රංජන් වැනි සැබෑ ජනතා නියෝජිතයන් අත්අඩංගුවට ගන්න කියා පමණී.

What do you think?

Send us feedback!

පළමු වසරට ළමුන් ඇතුලත් කිරීමේ ක්‍රමවේදය ගැටළු සහගතයි!- මධ්‍යම ආණ්ඩුකාර

Lalith U Gamage

පළමු වසරට ළමුන් ඇතුලත් කිරීමේ ක්‍රමවේදය සාධාරණ නොවන බවත් නාගරික හා ග්‍රාමීය ඉඩම් හිමිකම් පිළිබද ඇති ගැටලුත් ඒ සදහා බලපාන බව මාතලේ, නුගගොල්ල , ධර්ම ප්‍රදීප ප්‍රථමික විද්‍යාලයේ පළමු වසරට සිසුන් ඇතුලත් කිරීමේ ජාතික උත්සවයේදී (14) මධ්‍යම පළාත් ආණ්ඩුකාර ලලිත්.යු.ගමගේ මහතා පැවසිය.


පළමු වසරට සිසුන් ඇතුලත් කිරීමේ ජාතික උත්සවය මාතලේ, නුගගොල්ල , ධර්ම ප්‍රදීප ප්‍රථමික විද්‍යාලයේදී පැවති අතර අධාපන අමාත්‍ය ඩලස් අලහප්පෙරුම මහතා වඩා සාධාරණ හා යුක්ති යුක්ත ළමුන් ඇතුලත් කිරීමේ ක්‍රමවේදයක් සැකසීමේ අවශ්‍යතාවක් ඇතිබවත් ගරු ආණ්ඩුකාරතුමන් පෙන්වාදුන් ගැටලුව කෙරෙහි ඉක්මනින්ම අවධානය යොමුකොට අසාධාරණයට ලක් වුවන් වෙත සහනයක් ලබා දීමත්, ජාතික පාසලක් නොමැති අධ්‍යාපන කලාපයකටම ජාතික පාසලක් හදුන්වාදීමත් සිදු කරන බව පැවසිය. තවද පාසල් සිසුන් ලේබල් කරණය නුසුදුසු බවත් සමත් හෝ අසමත් වීම තාවකාලික බවත් ප්‍රකාශ කළේය.

මෙම අවස්ථාවට මධ්‍යම පළාත් ආණ්ඩුකාර නීතීඥ ලලිත් යූ ගමගේ, අධ්‍යාපන අමාත්‍ය ඩලස් අලහප්පෙරුම, අධ්‍යාපන ලේකම් එන් එච් එම් චිත්‍රානන්ද, පාර්ලිමේන්තු මන්ත්‍රී ලක්ෂ්මන් පෙරේරා මහතා ඇතුළු පළාත්, කලාප හා කොට්ඨාස අධ්‍යාපන අධ්‍යක්ෂවරුන්, ප්‍රාදේශීය සභා නියෝජිතවරුන් ඇතුළු විශාල පිරිසක් එක්ව සිටියහ.

 

Matale

Lalith U Gamage 1

Matale 2

Matale 1

What do you think?

Send us feedback!

යුක්තිය උදෙසා.. පෙනී සිටිය හැක්කේ නීතිගරුක පුරවැසියාට පමණි..

ජනතාවට පණ දෙන්න කතා කරන ජනතා නියෝජිතයෝ, සමාජ ක්‍රියාකාරීන්, ජාති ආලය බේරෙන සංවිධාන ඇත්ත කතා කරපු රංජන් සිරගත කිරිම සම්බන්ධයෙන් ගොළු වෙලා.

What do you think?

Send us feedback!

මාස දෙකෙන් ආණ්ඩුව අප්‍රසාදයට: ආර්ථික වැඩපිළිවෙලට 81%ක් අකමැතියි!

Goverment lanka

ගෝඨාභය රාජපක්ෂ ජනාධිපති ප්‍රමුඛ ආණ්ඩුව පත්වී ගෙවුණු මාස දෙකක කාලය තුල ජනතාවගේ කැමැත්ත විශාල වශයෙන් පහත වැටී ඇති බව බිස්නස් ටයිම්ස් විසින් කළ සමීක්ෂණයක් හරහා අනාවරණය කර ඇත.

What do you think?

Send us feedback!

බදු සහන පිල්ලි ගහන සමාගම්වලට අනතුරු ඇඟවීමක්!

Tax z

වත්මන් රජය විසින් ලබාදුන් බදුසහන ජනතාවට ලබානොදී කටයුතු කරන සමාගම්, තවදුරටත් එසේ කටයුතු කරන්නේ නම් ජනතාව ඉදිරියේ ඒවා හෙළිදරව් කිරීමට තමන් සූදානම් බව පාරිභෝගික අයිතීන් සුරැකීමේ සංවිධානය අනතුරු ඇඟවීමක් සිදුකර ඇත.

මේ පිළිබඳ අද (14) මාධ්‍ය නිවේදනයක් නිකුත්කරමින් පාරිභෝගික අයිතීන් සුරැකීමේ සංවිධානය වැඩිදුරටත් මෙසේ අවධාරණය කර සිටියි.

නව රජය බලයට පත්වීමත් සමග ජනතාවට ලබා දුන් බදු සහන මේවන විටත් පාරිභෝගිකයාට ලබා දීමට කටයුතු නොකිරීම පිළිබදව වන පැමිණිලි පිළිබදව සොයා බලන ලෙස ජනාධිපතිවරයා විසින් පාරිභෝගික කටයුතු අධිකාරියට හා දේශීය ආදායම් දෙපාර්තමේන්තුවට ඊයේ දිනයේදී නියෝග කරන ලදී.

විශේෂයෙන්ම මෙම බදු සහන ජනතාවට ලබා දෙනු ලැබුවේ 2019/12/01 දින සිටය. එහෙත් තවම සමහර සමාගම් උක්ත බදු සහන පාරිභෝගියාට ලබා දීමට කටයුතු කර නැති අතර තවත් සමහර සමාගම් එම බදු සහන පාරිභෝගිකයාට ලබා දෙනු ලැබුවේ අඩුවෙනි.

රජය විසින් ජනතාවට ලබා දෙනු ලැබූ බදු සහන නිවැරදිව ඉතා ඉක්මනින් පාරිභෝගිකයින්ට ලබා දෙන ලෙස අප සංවිධානය මෙරට සියලු සමාගම් වලින් හා ආයතන වලින් ඉල්ලා සිටින අතර එසේ කිරීමට අපොහොසත් වන සමාගම් හා ආයතන පිළිබදව හෙළිදරව්වක් කිරීමට අප සංවිධානය කටයුතු කරන බව දැනුම් දෙමු.

 

NMFCRP

What do you think?

Send us feedback!

Click Here - TicketsDelivery.lk

AD-TD-anim-01.gif